Success Stories – Sanskar Sansthan Etapalli

लालसू तुमरेटी, जो एकेकाळी संस्कार संस्थेद्वारे शैक्षणिक दत्तक झाला होता, आज शेती व्यवसायात उल्लेखनीय प्रगती करत आहे. त्याच्या प्रवासाची सुरुवात एका साध्या खेड्यातून झाली, जिथे शिक्षणाची साधने खूपच मर्यादित होती. संस्कार संस्थेच्या मदतीने लालसूने आपले शिक्षण पूर्ण केले आणि आधुनिक तंत्रज्ञान व कृषी तंत्रज्ञानाविषयी सखोल ज्ञान मिळवले. शिक्षणाच्या आधारावर, तसेच संस्कारचा विध्यार्थी गोसू हिचामी याच्या मदतीने लालसूने शेतीकडे नवी दृष्टीकोनाने पाहायला सुरुवात केली. पारंपरिक पद्धतींबरोबरच त्याने सेंद्रिय शेती, सिंचन, पीक चक्र व्यवस्थापन आणि आधुनिक कृषी उपकरणांचा वापर सुरू केला. सुरुवातीला लहानशा जमिनीवर काम करणाऱ्या लालसूने आता त्याचा शेत व्यवसाय विस्तारून विविध पिकांचे उत्पादन घेण्यास सुरुवात केली आहे. याशिवाय, तो इतर शेतकऱ्यांना सुद्धा सल्ला देतो आणि त्यांना आधुनिक शेती पद्धतींबद्दल मार्गदर्शन करतो. त्याच्या मेहनतीमुळे आणि तंत्रज्ञानाच्या योग्य वापरामुळे त्याला चांगले उत्पादन मिळाले, ज्यामुळे त्याच्या आर्थिक परिस्थितीतही खूप सुधारणा झाली आहे.लालसूचे यश फक्त त्याच्या कुटुंबासाठीच नव्हे तर संपूर्ण गावासाठी प्रेरणादायी ठरले आहे. तो दाखवून देतो की शिक्षण व सातत्यपूर्ण प्रयत्नांनी कोणत्याही क्षेत्रात यश मिळवता येते.

मनेश लेकामी हा अतिदुर्गम अशा जाजावंडी गावाचे रहिवासी आहे. या भागात शिक्षण घेणे, शहराशी संपर्क ठेवणे हीच एक मोठी कसरत असते. अशा पार्श्वभूमीतून आलेल्या मनेश याने संस्कार संस्था यांच्या आधाराने आपला जीवनप्रवास बदलून दाखवला आहे. त्याने संस्कार वसतिगृहात राहून शिक्षण घेतले, आणि “Earn and Learn” योजनेअंतर्गत काम करत स्वतःचा खर्च भागवत, स्वाभिमानाने शिक्षण पूर्ण केले. शिक्षण घेत असताना त्याने संगणकाचे विविध कौशल्य आत्मसात केले आणि सोबतच वाहन चालवण्याचे प्रशिक्षण घेऊन ड्रायव्हिंगचा परवाना मिळवला. संस्कार संस्थेद्वारा सुरू असलेल्या प्राणरक्षा या रुग्णवाहिका सेवेत त्याने हातभार लावला. वेळोवेळी रूग्णांना संस्थेद्वारा मदत पुरविण्यात हातभार लावला. आपल्या मेहनती आणि चिकाटीच्या जोरावर मनेश याने पदवी (Graduation) पूर्ण केली असून सध्या पदव्युत्तर शिक्षण (Post-Graduation) करत आहे. त्याचसोबत तो पोलीस स्टेशनमध्ये संगणक आधारित ऑपरेटर म्हणून काम करत नोकरी संदर्भ तयारीही करीत आहे. याकरिता आर्थिकदृष्ट्या स्वतंत्र व आत्मनिर्भर बनला आहे. संस्कार संस्थेच्या मदतीनेच मनेश यांच्यासारख्या अनेक मुलांना आयुष्यात सकारात्मक बदल घडवून आणता आलेला आहे. मनेश यांचा प्रवास म्हणजे जिद्द, प्रयत्न, आणि योग्य संधी मिळाल्यास कोणताही युवक यशस्वी होऊ शकतो याचे उदाहरण आहे.

सर मला शिकायचंय ,मला संस्कार मध्ये येऊ द्याल का? एक निरागस आणि जिज्ञासूं मुलगा माझ्या समोर होता, गोसू, आपला सर्वात मोठा (पहिला) दत्तक विद्यार्थी, दुर्गम व नक्षलग्रस्त अश्या जारावंडी भागातील ताडगूडा गावातील हा मुलगा. त्याची शिकण्याची धडपड खुप होती. त्यामुळे त्याच्या पाठीशी खंबीरपणे संस्कार परिवार राहिले, आणि राहणार हे आम्ही त्याला आवर्जून सांगायचे. खरेतर या लेकराच्या जिद्दीपुढे ही मदत खुप छोटी राहिली. प्रामाणिकपणे अभ्यास आणि शिकून इतरांना मदत करण्याचे ध्येय घेऊन निघालेला हा विध्यार्थी संस्कार मध्ये सर्व शिकत राहिला. संस्कार मध्ये त्यावेळी सुविधांचा अभाव होताच, अक्षरशः आम्हा सर्वांना अभावाने त्रस्त केलेलं होत. या सर्वाचा तो साक्षी राहिला, व प्रगती करीत राहिला. पुढे 10 वी मध्ये तो तालुक्यातून प्रथम होता. त्याचा सत्कार झाला. 12 मध्येही टॉप राहिला. BSC AGRI. केली , आता तालुका कृषी कार्यालय एटापल्ली येथे कृषिसेवक म्हणून नौकरीला आहे, ही नौकरी त्याने जॉईन केली, त्यातून दुर्गम भागातील आदिवासी बांधवांकरिता सेवा करत आहे. आदिवासी तथा इतर शेतकऱ्यांना शासनाचे लाभ मिळवून देत आहे. 3 वर्षाच्या सेवक कालावधीनंतर तो.

Sushma and Pratiksha Pudo from remote village Gattepalli,they were school dropped students… they learnt in Free classes of Sanskar years back as KGBV school .. Now they are working in Clothes Project of Loyad metals Ltd..

एटापल्ली तालुक्यातील कोसा आळेंगा या अतिशय दुर्गम भागातील विद्यार्थी नांगसु पोटावी याचे संस्कार मध्ये प्राथमिक व माध्यमिक शिक्षण झाले पुढे त्याच्या आवडीच्या BPE चे शिक्षण नागपुरात करण्यात आले. संस्थेच्या काही शुभचिंतकांच्या मुळे शासनाच्या मेरी माटी मेरा देश या सदरात चि. नांगसु ला मुंबई येथे माननिय मुख्यमंत्री व दिल्ली येथे माननिय पंतप्रधान यांच्या उपस्थितीत होणाऱ्या कार्यक्रमात तालुक्यातून कलश नेण्याचा मान आणि जबाबदारी मिळालेली आहे. नांगसु सध्या संस्कार मध्ये Earn n Learn मध्ये प्रशिक्षण घेत शिक्षण घेत आहे व सेवा कार्यात मदतही करत आहे

संस्कारच्या विध्यार्थ्यांची नवोदय विद्यालयात निवड.

पुन्हा एक यशस्वी सदस्य : आपल्या सर्वांच्या आशीर्वादाने आपल्या संस्कार परिवारातील उमेश यंदाच्या पोलीस भरतीमध्ये यशस्वी होऊन नौकरीला लागला. अत्यंत गरीब आणि दुर्गम भागातील (जिथे पावसाळ्यात जायला पूल नाही ) लोक बांबू आणि लाकडाच्या तुटपुंज्या नावेने नदी ओलांडतात अश्या खेड्यातून येऊन शिक्षण घेऊन त्याने हे यश मिळवले आहे. उमेश लहान वयात असताना संस्कार मध्ये राहण्यास आलेला होता. संस्कार मध्ये शिक्षण घेत त्याने सुसंस्कार शिबीर सहभागी झाला, ध्यान-प्रार्थना, नियमित करी. शिकत असताना ड्रायविंग शिकून आपल्या संस्थेद्वारा रुग्णवाहिकेला सेवा दिली. पुढे त्याने 12 वि नंतर नागपूर व पोलीस तयारी साठी गडचिरोली ला राहून मेहनत घेतली आणि यशस्वी झाला.
जयगुरुदेव राष्ट्राय स्वाहा ईदम न मम् (उमेश 9421682909)

यशोगाथा: राकेश मादी मडावी – दुर्गम भागातून यशस्वी प्रवास. राकेश मादी मडावी हा बोटांफुंडी या अतिदुर्गम गावातील होतकरू विद्यार्थी. आदिवासी भागातील प्रतिकूल परिस्थितीतही शिक्षणाची ओढ आणि जिद्द त्याच्या डोळ्यांत होती. वीज, रस्ते, इंटरनेटसारख्या मूलभूत सुविधा नसलेल्या गावातून त्याने शिक्षणाची वाट निवडली. एटापल्ली येथे शिक्षण घेण्यासाठी तो घरापासून दूर गेला. संस्कार संस्थेत इयत्ता 10 वी पासून त्याने आपले शालेय शिक्षण सुरू केले. तिथे त्याने मेहनत, प्रामाणिकपणा आणि सातत्य याच्या जोरावर स्वतःला सिद्ध केलं. आर्थिक अडचणी असूनही त्याने हार मानली नाही. शालेय शिक्षणानंतर राकेशने पदवी शिक्षणासाठीही प्रयत्न सुरू ठेवले आणि अखेर त्याने ग्रॅज्युएशन पूर्ण केले. या प्रवासात त्याने अनेक अडचणींवर मात केली – अभ्यासासाठी उशीरापर्यंत जागरण, आर्थिक अडचणी, आणि कधी कधी उपासमार. पण त्याची चिकाटी त्याला पुढे नेत राहिली. आता त्याच राकेश मडावीने त्रिवेणी कंपनी मध्ये नोकरी मिळवली आहे. गावातील इतर तरुणांसाठी तो एक प्रेरणास्थान ठरला आहे. बोटांफुंडी सारख्या दुर्गम भागातून आलेल्या एका तरुणाने मेहनतीच्या जोरावर स्वतःचं भविष्य घडवलं. आज तो फक्त आपल्या कुटुंबाचा नाही, तर संपूर्ण गावाचा अभिमान बनला आहे. राकेशची यशोगाथा ही दाखवते की योग्य दिशा, मार्गदर्शन, आणि अपार मेहनत याच्या जोरावर कोणतीही अडचण ही यशाच्या मार्गात अडसर ठरू शकत नाही.

दानदात्यांचे मनःपूर्वक आभार
संस्कार संस्था यांच्या शैक्षणिक दत्तक योजने अंतर्गत सेवा सहयोग यांच्या अमूल्य मदतीने अखिलेश वासुदेव समर्थ हा विध्यार्थी NIT आंध्रप्रदेश येथे उच्च शिक्षण घेत होता. आज अत्यंत आनंदाची व अभिमानाची बाब म्हणजे अखिलेश याचे नुकतेच नामांकित PEPSICO कंपनीत यशस्वी Placement झाले आहे. हा प्रवास केवळ एका विध्यार्थ्याच्या यशाचा नसून, दानदात्यांच्या विश्वासाचा, सेवाभावाचा आणि समाजाप्रती असलेल्या बांधिलकीचा जिवंत पुरावा आहे. आर्थिक अडचणी असूनही उच्च शिक्षणाचे स्वप्न पाहणाऱ्या होतकरू विध्यार्थ्याला योग्य वेळी मिळालेल्या सहकार्यामुळेच आज तो राष्ट्रीय स्तरावरील संस्थेत शिक्षण पूर्ण करून बहुराष्ट्रीय कंपनीत नोकरी मिळवू शकला. सेवा सहयोग व सर्व दानदाते यांनी दिलेल्या मदतीमुळे अखिलेशचे भविष्य उज्ज्वल झाले असून, तो पुढे समाजासाठी प्रेरणादायी उदाहरण ठरेल, याची आम्हाला खात्री आहे. आपल्या सहकार्यामुळे एका कुटुंबाच्या जीवनात सकारात्मक बदल घडून आला आहे. संस्कार संस्था, अखिलेश समर्थ व त्याचे कुटुंबीय यांच्या वतीने सर्व दानदात्यांचे मनःपूर्वक आभार व कृतज्ञता व्यक्त करीत आहोत. भविष्यातही अशाच प्रकारे अनेक गरजू व होतकरू विध्यार्थ्यांच्या जीवनात प्रकाश पसरवण्यासाठी आपले सहकार्य लाभो, हीच सदिच्छा.
धन्यवाद!
– संस्कार संस्था

संतोष हिचामी – संघर्षातून स्वावलंबनाकडे
गडचिरोली जिल्ह्याच्या एटापल्ली तालुक्यातील हनपायलीसारख्या अतिदुर्गम आणि विकासापासून दूर असलेल्या भागात जन्मलेला संतोष हिचामी हा अनेक अडचणींवर मात करत आज स्वावलंबनाचा आदर्श उभा करणारा युवक आहे. शिक्षण, रोजगार आणि सुविधा यांचा अभाव असलेल्या परिसरातही जिद्द, योग्य मार्गदर्शन आणि संस्कार संस्थेच्या पाठबळामुळे जीवन कसे घडवता येते, याचे उत्तम उदाहरण म्हणजे संतोषची यशोगाथा.
संतोष हा विद्यार्थी असताना शैक्षणिक मदतीसाठी संस्कार संस्थेचा पहिला दत्तक गोसू हिचामी च्या मार्गदर्शनाने संस्कार संस्थेकडे आला. त्याची परिस्थिती आणि शिकण्याची तळमळ ओळखून संस्कार संस्थेने त्याचे पालकत्व स्वीकारले. संतोषने बारावीपर्यंत विज्ञान शाखेत शिक्षण पूर्ण केले. शिक्षणासोबतच संस्थेच्या Earn and Learn केंद्रात त्याने संगणक, ऑनलाइन सेवा, ग्राहक सेवा यांचे प्रशिक्षण घेतले. हे प्रशिक्षण त्याच्या आयुष्याला कलाटणी देणारे ठरले. पुढे गडचिरोली ला Graduation पूर्ण केल्यानंतर काही कारणास्तव संतोष पुन्हा आपल्या गावात परतला. अनेक तरुणांप्रमाणे त्याच्यासमोरही बेरोजगार म्हणून “आता पुढे काय?” हा प्रश्न उभा राहिला. मात्र संस्थेने दिलेले प्रशिक्षण, आत्मविश्वास आणि मार्गदर्शन यामुळे तो खचला नाही. उलट, त्याने स्वतःच्या क्षमतेवर विश्वास ठेवून हनपायली आणि जारावंडी येथे स्वतःचे ग्राहक सेवा केंद्र सुरू केले. आज त्या परिसरातील नागरिकांना विविध ऑनलाइन कामांसाठी 50 किमीपेक्षा जास्त अंतर प्रवास करण्याची गरज उरलेली नाही. आधार, पॅन, ऑनलाइन अर्ज, शासकीय सेवा अशा अनेक सुविधा गावातच उपलब्ध झाल्या आहेत. त्यामुळे संतोषचा स्वतःचा उदरनिर्वाहाचा प्रश्न सुटला, तसेच संपूर्ण परिसरातील लोकांचे वेळ, पैसा आणि श्रम वाचले आहेत. यश मिळाल्यावर संतोष थांबला नाही. तो आजही संस्कार संस्थेच्या ‘ग्रामनाथ प्रकल्पात’ सक्रियपणे मदत करत आहे. स्वतः शेती करत असतानाच तो परिसरातील शेतकऱ्यांना भातशेतीनंतर उन्नत व दुबार लागवड करून अधिक उत्पन्न कसे मिळवता येईल, यासाठी प्रेरित करीत आहे. शेतीकडे व्यवसाय म्हणून पाहण्याची दृष्टी तो शेतकऱ्यांमध्ये निर्माण करत आहे. संतोष हिचामीची ही यशोगाथा सांगते की, योग्य संधी, मार्गदर्शन आणि कष्ट करण्याची तयारी असेल तर अतिदुर्गम भागातील युवकही यशस्वी उद्योजक आणि समाजोपयोगी व्यक्ती बनू शकतो. आज संतोष केवळ स्वतःचे आयुष्य घडवत नाही, तर संपूर्ण गावाच्या विकासाचा एक आधारस्तंभ बनला आहे.

यशोगाथा – डॉ. गौरव बाळू भगत, आता डॉ. गौरव बाळू भगत म्हणून ओळखले जाणारे, यांची यशोगाथा ही जिद्द, परिश्रम आणि योग्य मार्गदर्शन यांचा सुंदर संगम आहे. त्यांचे शिक्षण मानवसेवा छात्रालय, गुरुकुंज मोझरी येथे राहून पूर्ण झाले. या छात्रालयाने त्यांना केवळ निवासाची सोय दिली नाही, तर त्यांच्यामध्ये शिस्त, संस्कार आणि उच्च ध्येय ठेवण्याची प्रेरणा देखील निर्माण केली. या संपूर्ण प्रवासात आदरणीय राजाराम भाऊ बोथे, श्री. अमोल बाँबल गुरुजी तसेच संस्कार संस्थेची त्यांना सतत मोलाची साथ लाभली. त्यांच्या मार्गदर्शनामुळे आणि प्रोत्साहनामुळे गौरव यांना योग्य दिशा मिळाली आणि त्यांनी प्रत्येक अडचणीवर मात करत आपले ध्येय गाठले. लहानपणापासूनच अत्यंत हुशार, होतकरू आणि अभ्यासू असलेल्या गौरव यांनी आपल्या सातत्यपूर्ण परिश्रमांच्या जोरावर शैक्षणिक क्षेत्रात आपली वेगळी ओळख निर्माण केली. कोणत्याही परिस्थितीत न डगमगता त्यांनी मेहनत केली. श्रीगुरुदेवांचा आशीर्वाद आणि सर्वांच्या शुभेच्छांमुळे त्यांनी BAMS (Bachelor of Ayurvedic Medicine and Surgery) ही पदवी यशस्वीरित्या संपादन केली. हा त्यांचा आयुष्यातील एक महत्त्वाचा टप्पा ठरला. सध्या डॉ. गौरव भगत हे श्री आयुर्वेद महाविद्यालय, नागपूर येथे MD (Ayurveda) शिक्षण घेत आहेत. आयुर्वेद क्षेत्रात अधिक सखोल ज्ञान मिळवून समाजसेवा करण्याचा त्यांचा निर्धार आहे. त्यांच्या निवासाची व्यवस्था श्रीगुरुदेव सेवा आश्रम, नागपूर येथे करण्यात आली आहे, जिथे त्यांना शांत, आध्यात्मिक आणि अभ्यासासाठी पोषक वातावरण लाभत आहे. डॉ. गौरव यांची ही यशोगाथा केवळ त्यांच्या वैयक्तिक यशाची कहाणी नसून, ती योग्य मार्गदर्शन, संस्थेचे योगदान आणि सामूहिक प्रयत्न यांचे उत्कृष्ट उदाहरण आहे. त्यांच्या यशामागे अनेकांचे आशीर्वाद, प्रेरणा आणि सहकार्य दडलेले आहे. या यशस्वी प्रवासासाठी ते आदरणीय राजाराम भाऊ बोथे, अमोल बाँबल गुरुजी, संस्कार संस्था, सेवा सहयोग तसेच सर्व हितचिंतकांचे मनःपूर्वक आभार मानतात. डॉ. गौरव बाळू भगत यांच्या पुढील वाटचालीस हार्दिक शुभेच्छा! त्यांनी आपल्या ज्ञानाच्या बळावर समाजाची सेवा करत राहो, हीच सदिच्छा

Contact Details

MENU Links

SOCIAL LINKS

©2024, All Right Reserved.
Powered By [ NB_Techno_7498826594]

Contact Details

MENU Links

SOCIAL LINKS

©2024, All Right Reserved.Powered By [ NB_Techno_7498826594]

©2024, All Right Reserved.
Powered By [ NB_Techno_7498826594]